தினமும் ஒரு கப் ரசம் குடிங்க, உங்க உடம்புல என்னவெல்லாம் நடக்குது பாருங்க!

தினமும் ஒரு கப் ரசம் குடிங்க, உங்க உடம்புல என்னவெல்லாம் நடக்குது பாருங்க!

உணவே மருந்தில் முதலிடம் ரசத்துக்கு என்றே சொல்லலாம். நம் பாரம்பரிய உணவில் மிக முக்கியமானது அன்றாடம் தவிர்க்கவே முடியாதது எது என்றால் அது ரசம் தான்.

ரசம் என்று சொல்லிவிட்டாலும் இதில் சேர்க்கப்படும் ஒவ்வொரு பொருளுமே அற்புதமான மருத்துவ குணங்களை கொண்டவை. சுவைக்காகவும் நறுமணத்துக்காகவும் சேர்க்கப்படும் எல்லாமே உடல் ஆரோக்கியத்தை உறுதி செய்ய கூடியவை. எப்படி மேல் நாடுகளில் சூப்- உணவுக்கு முக்கியத்துவம் கொடுக்கிறார்களோ அப்படி தான் நம் முன்னோர்கள் இங்கு ரசத்துக்கு முன்னுரிமை கொடுத்தார்கள்.

காய்ச்சல், இருமல், தும்மல், உடல் சோர்வு, உடல் களைப்பு, செரிமானப் பிரச்சனை, சத்துகுறைபாடு, தொண்டை கமறல், வயிற்று புண் என எந்த நோயை எதிர்கொண்டாலும் அதற்கு கை மருந்து ரசம் தான். எளிமையாக வேகமாக தயாரிக்க கூடிய இந்த ரசம் தரும் நன்மைகள் குறித்து பார்க்கலாம்.

​விதவிதமான ரச வகைகள்

ரசம். புளிரசம், பருப்பு ரசம், தக்காளி ரசம், எலுமிச்சை ரசம், பிரண்டை ரசம், தூதுவளை ரசம், மிளகு ரசம், அன்னாசிப்பழ ரசம்,கொள்ளு ரசம், பாசிபயறு ரசம் இப்படி விதவிதமான ரசங்களால் உடல் ஆரோக்கியத்தை மேம்படுத்தமுடியும்.

இவை எல்லாவற்றுக்கும் அடிப்படையான பொருள் மருத்துவ குணங்கள் நிறைந்த புளி, மிளகு, சீரகம்,மஞ்சள் தூள், பூண்டு, வரமிளகாய், பெருங்காயம், கொத்துமல்லி, தக்காளி, கறிவேப்பிலை, கொத்துமல்லித்தழைகள்.

பாரம்பரியமான உணவில் விருந்துணவு என்றால் அதில் ரசம் முக்கியமானது. இதை சாதத்திலும் பிசைந்து சாப்பிடலாம். அல்லது டம்ளரில் ஊற்றியும் குடிக்கலாம். சைவ உணவாக இருந்தாலும் அசைவமாக இருந்தாலும் உணவுக்கு பிறகு ரசம் குடித்தால் செரிமானம் சரியாகும்.

​செரிமானத்தை தூண்டும்

தினமும் ஒரு கப் ரசம் குடிங்க, உங்க உடம்புல என்னவெல்லாம் நடக்குது பாருங்க!

குழந்தையின் செரிமானத்தை சீராக தூண்டக்கூடியது ரசம் தான். தாய்ப்பாலுக்கு பிறகு குழந்தைக்கு உணவு சேர்க்கும் போது ரசத்தை தயக்கமில்லாமல் சேர்ப்பார்கள். தாய்ப்பால் மறந்த குழந்தைக்கு தாய்ப்பாலுக்கு இணையான சத்தை ரசம் தந்துவிடும்.

குழந்தையின் செரிமான மண்டலம் வளர்ச்சி அடைய தாமதமாவதால் அவர்களுக்கான உணவை கொடுக்கும் போது கவனமாக கொடுக்க வேண்டும். அதில் ரசம் நிச்சயம் கைகொடுக்கும்.

கர்ப்பகாலத்திலும் உணவுக்கு பிறகு ரசத்தை சூப் போன்றூ குடித்துவந்தால் கர்ப்பிணிக்கு அவர்களது செரிமானம் சிறப்பாகும். ரசத்தில் வைட்டமின், தாது உப்புகள், ஆன் டி ஆக்ஸிடண்ட்கள் மற்றும் அதிக அளவு புரோட்டின் நிறைந்துள்ளது. கர்ப்பகாலத்தில் உடல் உள்ளுறுப்புகள் சீராக இயங்க உதவும்.

​புளி

தினமும் ஒரு கப் ரசம் குடிங்க, உங்க உடம்புல என்னவெல்லாம் நடக்குது பாருங்க!

ரசத்தின் சுவைக்கு மூல காரணம் புளிதான். புளிக்கரைசலில் நார்ச்சத்து அதிகம் உள்ளது. இது குடலில் உள்ள நச்சுக்களை வெளியேற்றுகிறது. குடல் இயக்கம் சீராவதால் உணவில் இருக்கும் ஊட்டச்சத்து உறிஞ்சப்பட்டு குடல் எஞ்சியவற்றை வெளியேற்றுகிறது.

இது மலமிளக்கியாகவும் செயல்படுவதால் அன்றாட கழிவுகள் உடலிலிருந்து வெளியேற உதவுகிறது. தினமும் ரசத்தை உடலில் சேர்த்து வந்தால் உடலில் நச்சு தேங்காது. மலச்சிக்கல் பிரச்சனையும் வராமல் தவிர்க்கலாம்.

​மிளகு

தினமும் ஒரு கப் ரசம் குடிங்க, உங்க உடம்புல என்னவெல்லாம் நடக்குது பாருங்க!

காய்ச்சல் வந்தாலே வாய் முதல் வயிறு வரை எல்லாமே புளிப்பும் காரமும் கொண்ட ரசத்தை தான் தேடும். மிளகு கையிலிருந்தால் பகைவன் வீட்டிலும் உண்ணலாம் என்று சொல்வார்கள். உடலில் விஷத்தை உண்டாக்கும் நச்சுக்களை முறிக்கும் தன்மை மிளகுக்கு உண்டு. நச்சை சிறுநீர் வழியாக வெளியேற்றிவிடும் வல்லமை மிளகுக்கு உண்டு. மிளகில் இருக்கும் பைப்பரின் புற்றுநோய் செல்களின் வளர்ச்சியை தடுக்கும்.

வயிற்றில் சுரக்கும் அமிலச்சுரப்பை அதிகரிக்க செய்வதால் செரிமான மண்டலாம் சீராகும். இது உடலின் வளர்சிதை மாற்றத்துக்கு உதவும் என்பதால் உடல் எடையை கட்டுக்குள் வைக்க உதவும். உடல் பருமனை குறைக்கவும் உதவும்.

​சீரகம்

தினமும் ஒரு கப் ரசம் குடிங்க, உங்க உடம்புல என்னவெல்லாம் நடக்குது பாருங்க!

பசியின்மை இருப்பவர்களுக்கு சீரகம் இதமானது. சீரகம் சேர்த்த ரசம் வயிற்றுப்பொருமல், வாய்வுத்தொல்லை, அஜீரணக்கோளாறுகள், பித்தம் உணவு செரியாமை என எல்லா பிரச்சனைகளையும் தவிர்க்க உதவும். எளிதில் தொற்றும் சளி, காய்ச்சல் வைரஸ் தொற்றுகள் தொண்டையில் சளியை உண்டாக்கும்.

சீரகம் சேர்த்த ரசம் தொண்டைக்கு இதமளிக்கும். தொண்டையில் கிருமிகளை தங்கவிடாது. தொண்டையில் இருக்கும் கிருமிகளை நுரையீரலுக்கு அண்டவிடாமல் தடுக்கும். இது வயிறு உப்புசம் இருந்தாலும் அதை தீர்க்க செய்யும்.

​பெருங்காயம்

தினமும் ஒரு கப் ரசம் குடிங்க, உங்க உடம்புல என்னவெல்லாம் நடக்குது பாருங்க!

பெருங்காயம். உண்மையில் பெரிய பெரிய நோய்களின் தடுப்பு அரணாக செயல்படுகிறது. நரம்புகளை வலுப்படுத்துவதில் பெருங்காயத்தின் பங்கும் தேவை. இது வலிப்பு நோய் தடுக்கீறது.

அதிகமான உணவை எடுத்துகொண்ட சில நேரத்தில் வயிறு உப்புசமாக இருக்கும். உடலில் வாய்வு பிரச்சனைகள் அதிகமாக இருக்கும் போது மந்தத்தன்மை உண்டாகும். பெருங்காயம் சேர்த்த ரசம் வாய்வுவை உடலில் தேக்காமல் கலைத்துவிடுகிறது.

​ மஞ்சள் தூள்

தினமும் ஒரு கப் ரசம் குடிங்க, உங்க உடம்புல என்னவெல்லாம் நடக்குது பாருங்க!

மிகச்சிறந்த கிருமி நாசினி. மருந்துகளை காட்டிலும் வீரியமாக எதிர்ப்பு சக்தி கொண்ட அந்த கால பொருள். மஞ்சள் இருக்கும் குர்குமின் என்னும் வேதிப்பொருள் புற்றுநோய் செல்களின் தாக்குதல்களிலிருந்து நம்மை காக்க செய்யும்.

விதவிதமான நூற்றுக்கணக்கான ரச வகைகள் எதுவாக இருந்தாலும் அதில் மஞ்சள் தூள் அவசியம் சேர்க்க வேண்டும். மஞ்சள் தொற்றுக்கிருமிகளிடமிருந்தும் நம்மை பாதுகாக்கும்.

பூண்டு

தினமும் ஒரு கப் ரசம் குடிங்க, உங்க உடம்புல என்னவெல்லாம் நடக்குது பாருங்க!

பூண்டு அவ்வபோது உண்டாகும் சளி பிரச்சனையிலிருந்து தீர்வு தருவதாக சொல்லப்படுகிறது. நான்கு பூண்டு தட்டி போட்டு ரசம் வைத்தாலும் பூண்டின் மருத்துவ குணங்கள் ரசத்தில் கலந்துவிடுகிறது.

பூண்டு உயர் இரத்த அழுத்தத்தை கட்டுக்குள் வைக்க செய்கிறது. வாய்வு கலைக்கிறது. குடலில் பூச்சிகள் இருந்தால் அதை வெளியேற்ற செய்கிறது. பூண்டில் இருக்கும் ஆன் டி ஆக்சிடண்ட்கள் வைட்டமின் சி பி6 மற்றும் கனிமங்கள் உடலின் நொய் எதிர்ப்பு சக்தியை அதிகரிக்க செய்கின்றன.

கொத்தமல்லி

தினமும் ஒரு கப் ரசம் குடிங்க, உங்க உடம்புல என்னவெல்லாம் நடக்குது பாருங்க!

கொத்துமல்லி தழைகள் தூவி இருக்கும் ரசம் பார்க்கும் போதே அள்ளிபருகிவிடும் ஆசையை தூண்டும். பசியை தூண்டும். உடல் சூட்டை போக்கும், நாக்கு வறட்சியை தடுக்கும். கண்களுக்கு நன்மை செய்ய கூடிய வைட்டமின்களை கொத்துமல்லித்தழை கொண்டுள்ளது. கொத்துமல்லி மாதவிலக்கு சம்பந்தமான நோய்களையும் தடுக்க கூடியது.

​கறிவேப்பிலை

தினமும் ஒரு கப் ரசம் குடிங்க, உங்க உடம்புல என்னவெல்லாம் நடக்குது பாருங்க!

கறிவேப்பிலை தினமும் 5 மென்று தின்றால் கூந்தல் கருமையாகும். இளமையாக வைத்திருக்கும். நீரிழிவு இருப்பவர்களுக்கு நன்மை செய்ய கூடும். கறிவேப்பிலையை நறுக்கி ரசத்தில் சேர்ப்பதன் மூலம் உங்கள் பார்வைத்திறனை மேம்படுத்தலாம்.

கறிவேப்பிலை சேர்த்த ரசத்தை சாப்பிடுவதன் மூலம் சீரணம் துரிதமாகும். வயிற்றுக்கோளாறுகளை சரியாக்க செய்கிறது. ரசத்தில் கறிவேப்பிலை வந்தால் அதையும் மென்று தின்னுங்கள்.

சுவையான ரசம் சிறந்த பேலன்ஸ் டயட். இதில் எல்லாவிதமான ஊட்டச்சத்துகளும் நிறைந்திருக்கிறது.சுவையோடு ஊட்டமும் நிறைந்த ரசம் இனி தவிர்க்காமல் உணவில் சேருங்கள்.

Share

14 thoughts on “தினமும் ஒரு கப் ரசம் குடிங்க, உங்க உடம்புல என்னவெல்லாம் நடக்குது பாருங்க!

  1. Really very useful and interesting page not only cooking but also many interesting news has been provided in this application

Leave a Reply

Your email address will not be published. Required fields are marked *