WhatsApp

WhatsApp Update : 2021-இல் வரப்போகும் 3 “அடேங்கப்பா” அம்சங்கள்!

2021 ஆம் ஆண்டில் நாம் அடியெடுத்து வைத்ததுமே…. வாட்ஸ்அப்பில் சில புதிய அம்சங்கள் உதயமாக உள்ளன… அவைகளைப் பற்றிய தொகுப்பே இது.

2021 Whatsapp updatesபுதிய விடயங்களையும், அனுபவங்களையும் கொண்டு வரும் 2021 புத்தாண்டு நமக்கு கைகளுக்குள் எட்டும் தூரத்தில் இருக்க, கடந்த பல மாத கால லாக்டவுன் நாட்களில் நமக்கு ஆபத்பாண்டவனாய், மாபெரும் ஊடகமாய் இருந்த வாட்ஸ்அப் தளம் வரும் ஆண்டில் சில புதிய அம்சங்களுக்கு ஹாய் சொல்ல போவது போல் தெரிகிறது.

ஒவ்வொரு ஆண்டை போலவும், வருகிற 2021 ஆம் ஆண்டிலும் பயனர்கள் தங்களது வாட்ஸ்அப் அக்கவுண்டில் பல மாற்றங்கள் அல்லது புதிய அம்சங்களைக் காண்பார்கள் என்று எதிர்பார்க்கப்பட்டாலும், 2021-க்குள் நுழைந்தவுடன் வாட்ஸ்அப்பில் நாம் காணக்கூடிய மூன்று முக்கிய மாற்றங்களை / அம்சங்களை பற்றித்தான் நாம் இங்கே பேசப்போகிறோம்.

01. வாட்ஸ்அப்பின் புதிய விதிமுறைகள் மற்றும் தனியுரிமைக் கொள்கை:

வாட்ஸ்அப் பயனர்கள் 2021 ஆம் ஆண்டில் வரும் புதிய விதிமுறைகள் மற்றும் தனியுரிமைக் கொள்கையை ஒப்புக் கொள்ள வேண்டும், அவ்வாறு செய்யத் தவறினால், வெளியான அறிக்கைகளின்படி, உங்கள் அக்கவுண்ட்டை நீங்கள் டெலிட் செய்ய வேண்டியிருக்கும்.

வாட்ஸ்அப்பின் புதிய அம்சங்களை கண்காணிக்கும் வலைத்தளமான WABetaInfo ஆல் கண்டறியப்பட்டபடி, பேஸ்புக்கிற்குச் சொந்தமான இந்நிறுவனம் பிப்ரவரி 8 முதல் தங்கள் சேவை விதிமுறைகளை புதுப்பிக்கும், இருப்பினும் குறிப்பிட்ட தேதி மாற்றத்திற்கு உட்பட்டது.

வாட்ஸ்அப் பயனர்கள் புதிய தனியுரிமை விதிகளை ஏற்க விரும்பவில்லை என்றால், அவர்கள் தங்கள் அக்கவுண்ட்டை நீக்கலாம்.

02. வாட்ஸ்அப் டெஸ்க்டாப் பயனர்களுக்கான ஆடியோ, வீடியோ காலிங் அம்சம்:

ஒப்பீட்டளவில் சற்றே சிக்கலான வாட்ஸ்அப் வெப் வெர்ஷனை பயன்படுத்துபவர்களுக்கு ஒரு பெரிய நிவாரணமாக கூடிய விரைவில் ஆடியோ மற்றும் வீடியோ காலிங் அம்சம் இணைக்கப்படவுள்ளது.

அதாவது பயனர்கள் டெஸ்க்டாப் ஸ்க்ரீனில் ஆடியோ மற்றும் வீடியோ அழைப்புகளை செய்ய அல்லது பெற அனுமதிக்கு அம்சங்கள் வாட்ஸ்அப் வெப் வெர்ஷனில் அறிமுகம் செய்யப்படும் என்று சமீபத்திய அறிக்கைகள் தெரிவிக்கின்றன.

WABetaInfo-வின் கூற்றுப்படி, ஆடியோ மற்றும் வீடியோ கால் அம்சம் இப்போது வாட்ஸ்அப் டெஸ்க்டாப் பயன்பாட்டிற்கு மெல்ல மெல்ல வந்து கொண்டிருக்கின்றன, ஆனால் இது இப்போது மிகவும் மட்டுப்படுத்தப்பட்ட வெளியீடாகவேத் தெரிகிறது, குறிப்பிட்ட அம்சங்கள் சார்ந்த பட்டன்களில் பீட்டா லேபிள்கள் காட்சிப்படுகின்றன.

எனவே அடுத்த ஆண்டுக்குள் நாம் நுழையும்போது வாட்ஸ்அப் அதன் அனைத்து வெப் வெர்ஷன் பயனர்களுக்கும் இந்த அம்சத்தினை விரிவுபடுத்தும் என்று எதிர்பார்க்கலாம்.

03. மல்டிபிள் Item-களை பேஸ்ட் செய்யும் விருப்பம்:

“ஐஓஎஸ் 2.21.10.23 க்கான வாட்ஸ்அப் பீட்டா புதிய ஆண்டிற்காக அர்ப்பணிக்கப்பட்ட முதல் பீட்டா பாதிப்பாகும். இந்த அப்டேட் மல்டிபிள் இமேஜ்கள் மற்றும் வீடியோக்களை வாட்ஸ்அப்பில் பேஸ்ட் செய்வதற்கான வாய்ப்பைக் கொண்டுவருகிறது” என்று WABetaInfo தளம் கூறுகிறது.

WABetaInfo வெளியிட்டுள்ள அறிக்கையின்படி, பயனர்கள் போட்டோஸ் ஆப்பில் இருந்து பல பல படங்களைத் தேர்வுசெய்து, “எக்ஸ்போர்ட்” மற்றும் “காப்பி” செய்ய முடியும். பின்னர் “வாட்ஸ்அப்பைத் திறந்து, தேவையான சாட்டில் வெறுமனே பேஸ்ட் செய்தால் போதும், எல்லா படங்களும் வாட்ஸ்அப் வழியாக சென்ட் செய்ய தயாராக இருக்கும்.

Share


copy the below code

Leave a Reply

Your email address will not be published. Required fields are marked *