FASTag

FASTag இனி எல்லா வாகனங்களுக்கும் இது கட்டாயம்!

எல்லா வாகனங்களுக்கும் கட்டாயமாக ஃபாஸ்ட்டேக் பொருத்தப்பட வேண்டுமென மத்திய அரசு தெரிவித்துள்ளது.

FASTagஜனவரி 1ஆம் தேதி முதல் அனைத்து வாகனங்களிலும் ஃபாஸ்ட்டேக் (Fastag) கட்டாயமாக இருக்க வேண்டுமென மத்திய நெடுஞ்சாலை துறை அமைச்சர் நிதின் கட்கரி தெரிவித்துள்ளார்.

காணொளிக் காட்சி வாயிலாக இன்று நடைபெற்ற நிகழ்ச்சியில் அமைச்சர் நிதின் கட்கரி கலந்துகொண்டு பேசினார். அப்போது அவர், “ஜனவரி 1ஆம் தேதி முதல் ஃபாஸ்ட்டேக் அமலுக்கு கொண்டுவரப்படுகிறது. இதனால், வாகனங்களில் பயணிப்போர் சுங்கச் சாவடிகளில் நிற்க தேவையிருக்காது. இதனால் நேரமும் எரிபொருளும் மிச்சமாகும்” என்று தெரிவித்துள்ளார்.


2016ஆம் ஆண்டு ஃபாஸ்ட்டேக் அறிமுகப்படுத்தப்பட்டது. அப்போது நான்கு வங்கிகள் மொத்தமாக சுமார் ஒரு லட்சம் ஃபாஸ்ட்டேக் விநியோகித்தனர். 2017ஆம் ஆண்டில் ஃபாஸ்ட்டெக் எண்ணிக்கை ஏழு லட்சமாக உயர்ந்தது. 2018ஆம் ஆண்டில் 34 லட்சமாக உயர்ந்துள்ளது.

இந்நிலையில், ஜனவரி 1ஆம் தேதி முதல் அனைத்து வாகனங்களுக்கும் ஃபாஸ்ட்டேக் கட்டாயமாக்கப்பட்டுள்ளது. ஃபாஸ்ட்டேக் என்பது சுங்கச் சாவடிகளில் மின்னணு முறையில் கட்டணம் வசூலிக்கும் முறையாகும்.


மத்திய மோட்டார் வாகனச் சட்டம் 1989இன்படி, 2017ஆம் ஆண்டு டிசம்பர் 1ஆம் தேதி முதல் பதிவு செய்யப்படும் அனைத்து நான்கு சக்கர வாகனங்களுக்கும் ஃபாஸ்ட்டேக் கட்டாயமாக்கப்பட்டது. அதேபோல, FC வாங்கும்போதும் ஃபாஸ்ட்டேக் கட்டாயமாக இருக்க வேண்டுமென விதிமுறை வகுக்கப்பட்டது.

Share


copy the below code

Leave a Reply

Your email address will not be published. Required fields are marked *